| | |
| |||||||||||||
| ||||||||
| ||||||||
| ||||||||
 |
| | LinkBack | أدوات الموضوع | إبحث في الموضوع | انواع عرض الموضوع |
02-13-2010
| #11 (permalink) | |
 | 
رد: فضفضة شمس الرياض اليوم أبتكلم عن العام اللي مضى ...بصراحه العام الماضي اللي هو 1430هـ كان من أسوء الأعوام اللي مرت علي ..أكيد بتتسائلون ليه ؟؟ أبقولكم العام الماضي لعبت الأبراج معي لعبتها <<وين ياعمه مسويه ماغي فرح هههههههههههههههه المهم من جد السنة اللي فاتت صارت لخبطه فكل شي فحياتي من الألف للياء يعني اقدر اقول لو الزمان يرجع لورا كان غيرت قرارات اتخذتها وتجنبت الأخطاء اللي سويتها.. بداية من الوقت اللي ضاع مع ناس ما يستحقون الصداقة إلى المشاريع اللي أتأجلت بدون سبب غير فترة الكسل بسبب النت طبعا" وفي حاجات صارت حلوه بس موب كثير مثل دخولي لمنتدى مجننتهم بصراحه استفدت منه كثير ولقيت التقدير اللي استحقه من الموجودين فيه بدءا" من الوافي لأصغر عضو موجود فيه ..وأحب بهالمناسبه اني اشكرهم من كل قلبي ..على تعاملهم الأخوي الرائع .. نرجع لموضوعنا ... من كم يوم كنت أقرا قصيده للشافعي يقول فيها :صن النفس واحملها على ما يزينها ...................تعش سالما" والقول فيك جميل ولاترين الناس الا تجملا" ........... نبا بك الدهر أو جفاك خليل وان ضاق رزق اليوم فاصبر إلى غد ..................عسى نكبات الدهر عنك تزول يعز غني النفس إن قل ماله ....................... ويغنى غني المال وهو ذليل ولا خير في ود أمريء متلون اذا الرياح مالت مال حيث تميل جواد اذا استغنيت عن أخذ ماله . وعند احتمال الفقر عنك بخيل فما أكثر الإخوان حين تعدهم ولكنهم في النائبات قليل من جد الرجال ذا كلامه درر... وهنا موضع الجرح الصديق الحقيقي وين تلقاه هذي الأيام ؟؟؟ كل الصداقات مصالح .. واذا مافيه مصلحه ماعاد تشوف وجيههم أو تسمع صوتهم .. من كم يوم احتاجت وحده من صديقاتي تمر بظروف صعبه- الله يكون فعونها - مساعدة حبيت أساعدها باللي اقدر عليه.. حاسه فيها ياقلبي ...المهم خطرت على بالي وحده تقدر تساعدها وهي قاعده فمكانها ..تصوروا الثانيه لاردت علي ولا كلفت خاطرها تسألني وش تبين كله علشان ايش ؟؟؟كلام فارغ وفلسفه كذابه ..طبعا" من الصعب انكم تقدرون الموقف لأنكم ما تعرفون ابعاده بعد الحكاية ذي والله هذي الصديقه طاحت من عيني من جد وتغيرت نظرتي لها كنت اعزها واحترمها وأكن لها الموده بس الحين خلاص ..اللي يبيعني بغالي أبيعه بتراب وما عاد يهمني احد ... وابشركم مشكلة صديقتي الثانيه قدرنا نحلها والحمد لله .. مازالت الدنيا بخير .... لو خليت كان خربت ... | |
 |
|
02-13-2010
| #12 (permalink) | ||||||||||
|
رد: فضفضة شمس الرياض
| ||||||||||
| |
|
02-13-2010
| #16 (permalink) | ||||||||||
|
رد: فضفضة شمس الرياض
| ||||||||||
| |
|
02-13-2010
| #17 (permalink) | |
|
رد: فضفضة شمس الرياض  طبعا" كل واحد منا يحب ويموت فامه ...هذي غريزه الله سبحانه اوجدها فينا كبشر ...وبالنسبه لي امي هي اغلا ماخلق ربي ...يكفيني انها سر وجودي فالحياة ...حملت وتعبت وسهرت وربت ..وكانت وما زالت _الله يطول عمرها -تدعيلي ولخواني ..وتخاف علينا من الهوا الطاير انا ما اذكر ان امي فيوم ضربتني أو حرمتني من شي ابيه ..وفنفس الأمر ..كانت توصل لنا رسايل مبطنه باللي تتمنا انها تشوفه فينا ..ونصايحها كانت نصايح صديقه موب أم ..كانت تثق فينا وكنا قد الثقه هذي والحمد لله ..علمتنا ان مخافة الله فوق كل اعتبار ..وكانت تعلق فالبيت الآيه الكريمه (الم يعلم ان الله يرا) وكنا لو واقول لو فكرنا بحاجه كذا والا كذا ..نشوف الايه معلقه وتسري فقلوبنا الخوف من الله علشان كذا كانت تسافر وتتركنا مع الوالد وهي مطمئنه .. حنانها ماله حدود مو اقول هالكلام لنها امي لأ.هي حنونه بدرجة امتياز مع مرتبة الشرف الأولى وبشهادة الجميع .. الكل يحبها ويحترمها ..دايم مبتسمه , وتحب تساعد الناس ..بالنسبه لي ما احب احد يخدمها غيري اشعر بلذة البر لها ..وأنا أقرب بناتها لقلبها فاخواني اذا بغوا يطلبون منها شي لازم يمرون علي اتوسط لهم خصوصا" لما يكون فالموضوع سفر او حاجه هي ما ترضاها .. اتمنا انها ترتاح ودي اسويلها اي شي هي تتمناه على قد ما تعبت معانا ..لأن الولد بطبعه أناني وما يشعر بقيمة أمه الا لما يجيه اولاد وهذا اللي صار معي ..بعد ما جاني سعود حسيت بقيمتها أكثر وأكثر ..عسا الله يخليها لنا ولا يحرمنا منها ابد.. | |
| |
|
02-13-2010
| #18 (permalink) | |
|
رد: فضفضة شمس الرياض   طبعا" طفولة اي انسان مرحله مهمه فحياته ..وانا ولله الحمد كانت طفولتي سعيده ..في ظل والديني الكرام..عسا الله يخليهم لي ..اذكر اني كنت خجووووووله مررره وخوافه مرررررره وهااااديه مرررره يعني لو شفت مثلا" بنات يتظاربون تجيني نفضه يمكن لأن عمري ما شفت بنات يضربون بعض ..عاد كنت اكش واروح لأبعد زاويه ..لحد ما تنفض الخناقه ..مره (وحده بيئه خالص )الله يسامحها مدري من وين جتنا ..المهم شافتني انتظر ابوي عند الباب ومسكتني تبي تضربني -تخيلوا وش صار فيني -ههههههههههههههههههه الموقف لا يوصف هي لحالها مافيااا الله يسامحها عاد عيوني طلعت لبرا وشكلي كنت بموت ..لحد ما جت النجده -وحده من صديقاتي قويه -متربيه مع عيااال ...هههههههههههههه المهم فكتني منها عاد رحت للبيت وانا ياعمري خانقتني العبره بس متفشله ابكي فالباص قدام البنات ...رحت اشكي لابوي ..طيب خاطري وسكتني بحلاوه !!! يازين ايام قبل وبس .. | |
| |
|
02-13-2010
| #19 (permalink) | |
|
رد: فضفضة شمس الرياض نسيت اقولكم اني احب الازياء موت وشغلتي وانا صغيره عارضة ازياء مع سبق الاصرار والترصد.. هههههههههههههههههههه واحب اسوي تسريحات خصوصا لاخواتي الكبيرات ..واحب أقرأ كثير ..مره لقيت فالبيت روايه وش كبرها المهم كنت فسادس ابتدائي وقررت أقرأها ..وبديت وما قدرت اتركها ليل ونهار أقرا فيها لدرجة اني صرت اروح للمدرسه وأنا نعساااانه مووووووت ..عاد مدرسة الدين راح تفكيرها لبعيد ..سألتني ليش صرتي تنعسين كثير فالحصص..قلت لها عندي روايه طووووويله وما اقدر انام الا لما يطيح الكتاب من يدي ...طبعا" وللأسف ما صدقتني ..فحبت انها تتحاذق معي طلبت مني أجيب لها الروايه وفثاني يوم جبتها لها وتصدقوني لو قلت لكم اني الا اليوم ما ادري وش قريت .الروايه كان اسمها (اليد السفلى )لمحمد علي يماني ... ههههههههههههههههههههه يعني راح سهري وتعبي على الفاضي ... | |
| |
|
02-13-2010
| #20 (permalink) | |
|
رد: فضفضة شمس الرياض  كنت احب اشوف هالرجال في الاخبار تدرون ليه ؟؟؟ لأن فيه شبه كبير من ابوي ..كنت لما يطلع فالأخبار التفت على ابوي واقوله :بابا هذا انت ؟؟ طبعا" الوالد مل من كثر ما أسأله هالسؤال ... صار يسكتني يقولي لأ هذا ولد عمي !!! ههههههههههههههههههههههههه ياحليلي نشبه من جد.... تدرون ليه احب اتكلم عن طفولتي لأنها كانت سعيده ما حسيت فيها بنقص عاطفي أو مادي ولله الحمد ...ابوي كان مدلعني -لأني اول عياله -اخواتي السابق ذكرهم بنات امي - عاد اذكر انه يشيلني -يامال الجنه - ويروح بي للمحلات يشتري لنا اشياء وكذا ..ما كان يحب يآخذ معه الا أنا ...مهما نسوي على رد جمايله مقدر اوفي ... | |
| |
|
| مواقع النشر (المفضلة) |
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أغرب قصة محزنة في الرياض | ملك | حقائق عـلـمـية | 0 | 05-01-2010 04:21 PM |
| فضفضة مشاعر، لكم ايها الصامتون !! | الشوووق جنني | رومانسيات مجننتهم | 12 | 04-14-2010 01:26 AM |
| الكارثه اللي هزت الرياض | شمس الرياض | الفرفشة وبس | 2 | 12-19-2009 03:11 PM |
| وفاة بنت تفحط في الرياض | سعود بن طلال | الفرفشة وبس | 12 | 08-13-2009 05:15 AM |
| الرياض | الشوووق جنني | ماسنجر _ توبيكات _ حركات | 3 | 05-18-2009 11:00 PM |
 |  |
العرض العادي
